“مش هتصدق بيعملوا بيه ايه”.. هذه هي اسرار بيع الزيت المستعمل… وما سبب الزيادة في الإقبال على شراؤه!!!

من زمان ونا نفسي اعرف الناس اللي بتشتري الزيت المستعمل بسعر يصل لـ 12 و 15 جنيه بتعمل بيه إيه واخيرا عرفت
الناس دي بتشتري منك الزيت وبتبيعو بـ 55 جنيه للمطاعم وبـ 75 جنيه ليك انت تاني بعد إعادة التدوير
طب إعادة التدوير دي بتتم ازاي

طريقة اعادة تدوير الزيت

‏كل 20 كيلو زيت بيتعملهم خلطه بـ كيلو نشا علي كيلو مياه بارده وبيخلطو النشا في المياه كويس جدا، ثم تضاف إلي الزيت المستعمل ويلقي علي نار هاديه جدا
مهما كان الزيت غير جيد أو في رواسب أو زيت لحوم أو زيت سمك أو زيت مقلي فيه هتلاقي النشا سحبت كل الكلام ده
‏وتكتلت معاك فى قعر الحله
وبعدين بيتم تصفية الزيت بمصفاه وبيرجع لونه أصفر أحسن مما كان عليه
ويرجع تاني لحضرتك علي صورة زيت نقي فاتح 100% وعمرك ما هتقدر تعرف أنه مستعمل قبل كده غير بالتحليل
هل بقا الطريقه دي صحيه
لو فكرت فيها وبحثت هتعرف أنه مضر جداً جداً
الكيلو ولا الـ 2 كيلو زيت اللي حضرتك بتبيعهم في الشهر بيكونو سبب في أذي لناس كتير تانية
حضرتك ممكن تكون بتشتري زيت عافية أو سلايت أو الأنواع النضيفه دي لكن في ناس غلابه متقدرش علي سعر الأنواع دي وبتشتري من الزيت السايب اللي كنا لسه بنحكي عليه،